साफ च्याम्पियनसीप महिला फुटबल टोली पाकिस्तान प्रस्थान गर्दै

कार्तिक २२ –पाकिस्तानमा हुने तेस्रो साफ च्याम्पियनसीप महिला फुटबल प्रतियोगितामा सहभागी हुने नेपाली टोली आज त्यसतर्फ प्रस्थान गर्दै छ । टोली दिउसो ३ बजे प्रस्थान गर्ने अखिल नेपाल फटवल संघ एन्फाले जनाएको छ । टोलीमा कप्तान अनु लामासहित अन्जली राई, दीपा अधिकारी, अन्जली वाइवा, दीपा राई, अनिता बस्नेत, मेनुका गिरी, मनमाया लिम्बू र अमृता जैसीलगायत २० खेलाडी छन् । त्यस्तै, मुख्य प्रशिक्षक कुमार कटुवाल हुनुहुन्छ भने सहायक प्रशिक्षकमा भगवती रानामगर र दर्शन भक्तराज लावती हुनुहुन्छ । प्रतियोगिता कात्तिक २५ गतेदेखि सञ्चालन शुरु हुने छ । टोलीलाई एन्फाले हिजो टोलीलाई बिदाई गरेको थियो ।