प्रमुख दलहरूबीचको छलफल निष्कर्षबिहिन साँझ फेरी बैठक बस्ने

कार्तिक २० –सक्तारुढ दलले पेस गरेको सात प्रदेशको प्रस्ताबले दलहरुबीच बढेको धु्रबिकरण हटाउन भन्दै आज बिहान बसेको प्रमुख दलहरुको बैठक बिना निष्कर्ष सकिएको छ । प्रमुख सक्तारुढ दल काग्रेस–एमाले र प्रमुख प्रतिपक्षी एकीकृत माओबादीबीच आज बिहान सभाखुको कार्यकक्ष नयाबानेश्वरमा भएको छलफल निष्कर्ष पुग्न नसकेपछि अर्को बैठक साँझ ५ बजेको लागि बोलाइएको छ । बैठकपछि एमाले नेता माधबकुमार नेपालले दलहरुबीच द्वन्द्वबढ्ने अवस्था आएको भन्दै त्यसोे हुन नदिन दुई दिन सम्म नेताहरुबीच छलफल गर्ने सहमती भएको जानकारी दिनुभयो ।

उहाका अनुसार सम्बाद समिति सभापति बाबुराम भट्टराई अस्वस्थ भएकोले भोली र पर्सि सम्बाद समिति बैठक नबोलाउने पनि दलहरुबीच सहमती भएको छ । यस्तै एमाले उपाध्यक्ष भिम राबलले आजको बैठकमा सक्ता पक्ष र प्रतिपक्षबीच खुलेर कुरा भएको र थप छलफल गर्न साँझ ५ बजे अर्को बैठक बस्ने जानकारी दिनुभयो ।

बैठकमा काग्रेसका सभापति एवम् प्रधानमन्त्री शुशिल कोइराला र उपसभापति रामचन्द्र पौडेल, एमालेका अध्यक्ष केपी ओली, नेता माधब कुमार नेपाल र उपाध्यक्ष भीम राबल तथा माओबादी अध्यक्ष पुष्पकमल दाहाल प्रचण्ड र नेता गिरिराजमणी पोख्रेल, सभामुख नेम्वाङ, सम्बाद समिति सभापति बाबुराम भट्टराई, मस्यौदा समितिका सभापति कृष्ण प्रसाद सिटौला सहभागि थिए ।