मंसिर ११ –प्रहरीले वीरगन्ज कारागारबाट ६ राउन्ड गोलीसहित दुईजनालाई पक्राउ गरेको छ । कारागारमा कैदी भेट्न आएकी बारा पिप्राढी–५ की ३५ वर्षीया लाइची देवी र २६ वर्षीय अशोक साह कानुलाई प्रहरीले गोलीसहित पक्राउ गरेको हो । चोरी मुद्दामा वीरगन्ज कारागारमा कैदी जीवन बिताइरहेका श्रीमान् रामएकवाल सहनीलाई भेट्न आउदा लाइचीले ज्याकेटको खल्तीमा थ्रि नट थ्रि राइफल र एस.एल.आर.को ६ राउन्ड गोली ल्याएको प्रहरीले जनाएको छ । यस्तै दुई वर्षदेखि फरार लागुऔषधका अभियुक्तलाई प्रहरीले पर्साबाट पक्राउ गरेको छ । इलाका प्रहरी कार्यालय पोखरियाको टोलीले विश्रामपुर–९ का बङ्का साह कलवार लाई पर्साको लङ्गडीबाट पक्राउ गरेको हो । इलाका प्रहरी कार्यालयको टोलीले दुई वर्षअघि कलवारको घरमा छापा मार्दा आठ क्विन्टल गाँजा भेटेपछि कलवार फरार भएका थिए ।
Post a Comment