गोरखा, कात्र्तिक ५ –हिन्दुहरुको महान् पर्व तिहारको अवसरमा हरमटारी क्लव गोरखाले भोली लक्ष्मी पुजाको दिन देखी देउसी भैलो कार्यक्रम गर्ने भएको छ । क्लवले आज पत्रकार सम्मेलन गरी देउसी भैलो कार्यक्रम गर्ने जनाएको हो । गत बर्ष जस्तै यो बर्ष पनि देउसी भैलो कार्यक्रम गर्न लागेको क्लवले जनाएको छ । देउसी भैलो कार्यक्रमबाट संकलन भएको रकमले टोल व्यवस्थापन गर्न चोक चोकमा डस्विन राख्ने, गोरखकाली कप सञ्चालन गर्न आर्थीक सहयोग जुटाउने बताईएको छ । हरमटारीको एकता, संस्कृति र रितिरिवाज जोगाउने हाम्रो प्रतिवद्धता भन्ने नारा सहित देउसी भैलो कार्यक्रमको आयोजना गरेको हो । गत बर्ष करिब १ लाख जति रकम संकलन गरेकोमा यसपाली पनि करिब १ लाख जति नै रकम संकलन गर्ने क्लवले लक्ष्य राखेको छ । गोरखकाली कप एडिभिजन खेल सकिए लगतै आयोजना गरिने क्लवले जनाएको छ । गत बर्ष फागुनमा गोरखकाली कप फुटवल प्रतियोगीता सम्पन्न भएको थियो ।
Post a Comment