बलात्कारको आरोपमा तीन युवा पक्राउ

कर्तिक १० –जिल्ला प्रहरी कार्यालय बर्दियाले बलात्कारको आरोपमा तीन जना युवालाई पक्राउ गरी आज सार्वजनिक गरेको छ । बर्दिया जिल्ला ताराताल गाविस– ५ का वर्ष २० का विजय भन्ने सुनिल परियार, सोही ठाउँकै वर्ष १८ का यामबहादुर परियार र वर्ष १८ कै बलराम कोइरालालाई कात्तिक ६ गते पक्राउ गरी आज पत्रकार सम्मेलन गरी सार्वजनिक गरिएको हो । अभियुक्त युवाले कुसुम्वाघाट हाटबजार गएको अवस्थामा सानोश्री गाउँ नं ५ की विवाहित महिलालाई सामान्य चिनजानको भरमा फोन सम्पर्क गरी झुक्याएर सानोश्री कुसुम्वा बजारस्थित सशस्त्र प्रहरी बेस क्याम्पको उत्तरतर्फको महिला जागृत सामुदायिक वनमा  कात्तिक ५ गते पालैपालो करणी गरेको आरोप छ ।