गोरखा, असोज २९ –आरुघाटबाट लार्के पास जादै गर्दा उहीँया गाविस वडा नं. ३ गनाउने खोलास्थित भिरबाट चिप्लेर लडी बुढिगण्डकी नदिमा बेपत्ता भएका एक फ्रेन्च नागरिक अझैसम्म फेला परेका छैनन् छन् । हिजो विहान करिब साढे ९ बजेतिर भिरबाट चिप्लेर इम्ली, एलाइन कसट्यान्टलीन नाम गरेको ६७ बर्षिय फ्रेन्च पुरुष बेपत्ता भएको प्रहरी नायव निरिक्षक तथा प्रवक्ता दिपक श्रेष्ठले जानकारी दिनुभयो । उक्त नागरिक लार्के पास जाने क्रममा भिरबाट चिप्लेर लड्दा बुढिगण्डकीमा बेपत्ता भएको यति एड्भान्चर प्राईभेट लिमिटेड का सुदिप भन्ने व्यक्तिले प्रहरीलाई जानकारी दिएको श्रेष्ठले बताउनुभयो । प्रहरी निरिक्षक दिपक श्रेष्ठका अनुसार माछीखोला इलाका प्रहरी चौकीका प्रमुख रामबहादुर गुरुङको नेतृत्वमा उद्धार टोली घटना स्थलमा पुगी खोजी कार्य जारी गरेको छ । बेपत्ता फ्रेन्च नागरीकको खोजीका लागी नवलपरासी र चितवन प्रहरीलाई पनि खवर गरेको जिल्ला प्रहरी कार्यालय गोरखाले जनाएको छ ।
Post a Comment