बेलकोटमा यात्रुवस दुर्घटना हुँदा ७ जना नेपालीसहित १०

नुवाकोट, कात्तिक ७ – नुवाकोटको बेलकोटमा यात्रुवस दुर्घटना हुँदा ७ जना नेपालीसहित १० जनाको ज्यान गएको छ ।  ज्यान गुमाउनेमा ३ जना विदेशी छन् । काठमाडौंबाट रसुवाको धुन्चेका लागि छुटेको ना २ ख २२६६ नम्बरको बस बेलकोट गाविस वडा नम्बर ५ को आरुबोटेको भीरमा खसेर दुर्घटना भएको हो । दुर्घटनामा ३५ जना घाइते भएका छन् । ज्यान गुमाउने मध्ये दाङसिंङ ४ की ३५ वर्षकी बिमल तामाङ र गेर्खु ९ वेत्रावतीकी १२ वर्षकी करिना श्रेष्ठको मात्र परिचय खुलेको प्रहरी निरीक्षक प्रकाश शर्मालाई उद्धृत गर्दै उज्यालो सहकर्मी नवदीप अजनविले जनाएका छन् । घाइतेहरुको काठमाडौका विभिन्न अस्पताल र नुवाकोटमै उपचार भइरहेको छ ।