डिभिजन थ्री– नेपाली क्रिकेट टोलीको घोषणा

काठमाडौँ, असोज १०– मलेसियामा हुने आइसिसी वल्र्ड क्रिकेट लिग डिभिजन थ्रीका लागि आज नेपाल क्रिकेट सङ्घ ९क्यान० ले १४ सदस्यीय नेपाली क्रिकेट टोलीको घोषणा गरेको छ । क्यानले आगामी कात्तिक ६ देखि १३ गतेसम्म सञ्चालन हुने सो प्रतियोगितामा पारस खड्काको कप्तानीमा १४ सदस्यीय नेपाली टोलीको घोषणा गरेको हो । उपकप्तानको जिम्मेवारी भने ज्ञानेन्द्र मल्लले पाएका छन् ।
यसैगरी, टोलीमा शरद भेष्वाकर, शक्ति गौचन, बसन्त रेग्मी, सुवास खकुरेल, नरेश बुढाऐर, सोमपाल कामी, सागर पुन, मेहबुब आलम, अरिफ शेख, विनोद भण्डारी, अमृत भट्टराई र भुवन कार्की छन् । कार्की १९ वर्षमुनिको राष्ट्रिय क्रिकेट टिमका कप्तानसमेत हुन् । नेपालले उक्त प्रतियोगितामा सिङ्गापुर, आयोजक मलेसिया, युगान्डा, अमेरिका र बर्मुडासँग प्रतिस्पर्धा गर्नेछ । उक्त टोलीको अधिकांश खेलाडी दक्षिण कोरियाको इचोन सहरमा जारी १७ औँ एसियाली खेलकुद प्रतियोगिता९एसियाड०अन्तर्गत क्रिकेट खेलमा सहभागी हुन आज त्यसतर्फ प्रस्थान गरेका छन् ।