एकीकृत माओवादी गोरखा नगरपालिका १ को बैठक तथा प्रशिक्षण कार्यक्रम सम्पन्न

गोरखा श्रावण १५ –एकीकृत माओवादी गोरखा नगरपालिका १ को बैठक तथा प्रशिक्षण कार्यक्रम आज पोखरीथोकमा सम्पन्न भएको छ । वडा अध्यक्ष राम बहादुर अछामीको अध्यक्षतामा भएको कार्यक्रममा एकीकृत माओवादी क्षेत्र नं. १ का संयोजक दिपक तिमिल्सिना (साकार), इलाका नं. १ का संयोजक अकुर तिमिल्सिना (आयाम), इलका नं. २ का संयोजक कृष्ण रानामगर, जिल्ला सदस्यहरु सुदिप नगरकोटी र जीवन गुरुङ लगायतले प्रशिक्षणमूलक मन्तव्य राख्नुभएको थियो ।
वडा बैठकले पार्टीको नीति र विधान विपरित कार्य गर्ने वडा सदस्यद्वय निल बहादुर घताने (मिलन) र सोम अछामीलाई निष्कासन गरेको वडा अध्यक्ष राम बहादुर अछामीले जानकारी दिनुभयो । त्यसैगरी, बैठकले जनवर्गीय संगठन र जातीय मोर्चाहरुको भेला गरी वडा समिति बनाउने, सदस्यता वितरण गर्ने लगायतका निर्णयहरु गरेको छ ।