गोरखा नगरपालिकाको छेवेटारमा वृक्षरोपण सम्पन्न

गोरखा श्रावण १३ गोरखा नगरपालिकाको वडा नं.९ छेवेटारको ठुटे बजारमा हिजो वृक्षरोपण गरिएको छ । एक्ले गाउँ टोल सुधार समितिका अध्यक्ष एलिना कुमालको अध्यक्षतामा वृक्षरोपण कार्यक्रम सम्पन्न भएको हो । वृक्षरोपणमा अशोक, रिठ्ठा, निमपत्ता, चाँप लगायतका २५० विरुवा रोपिएको स्थानीय बलबहादुर कुमालले जानकारी दिनुभएको छ ।कार्यक्रमको समुद्घाटन एमाओवादीका वडा अध्यक्ष पुष्पा कुमाल र नेपाली काङ्ग्रेसका वडा अध्यक्ष  हिराकाजी श्रेष्ठले संयुक्त रुपमा गर्नुभएको थियो ।