गोरखाको लक्ष्मीबजारमा स्थानिय र प्रहरीबिच झडप

गोरखा, कार्तिक २३ –गोरखा नगरपालिका वडा नं. ८ लक्ष्मिबजारमा स्थानिय यात्रुलाई बसमा चड्न नदिएको विषयलाई लिएर स्थानियले गरेको चक्काजाममा प्रहरीले हस्तक्षेत गर्दा स्थानिय र प्रहरी बिच आज दिउसो झडप भएको छ । झडपमा परि एक प्रहरी जवान् बम बहादुर थापा सहित केही स्थानिय घाईते भएका छन् । घाईते जवान् थापालाई गोरखा अस्पतालमा सामन्य उपचार पछि थप उपचारको लागि नेपाल प्रहरी अस्पताल काठमाण्डौमा रिफर गरिएको छ । स्थानिय बन्द कर्ताले हानेको इट्टाले ना ४ ख १४८६ नम्वरको बसको अगाडि पट्टिको शिशा फुटेको छ । प्रहरीले बन्दकर्ता ३ जनालाई नियन्त्रणमा लिएको छ । बन्दकर्ताहरुले प्रहरी माथी आक्रमण गरेपछि झडप भएको प्रहरीले जनाएको छ ।