धादिङमा करेन्ट लागेर एक जानको मृत्यु

कार्तिक २२ धादिङ धादिङको निलकण्ठ नगरपालीका वडा नं १ नागश्वर भज्याङमा करेन्ट लागेर एक जनाको ज्यान गएको छ ।  खाल्टे १ धुसेनी घर भई चिसापानीमा रहेको श्री जलदेवी निम्न माध्यमिक बिद्यालयमा कक्षा ८ मा अध्ययनरत छात्रा चमेली तामाङको ज्यान गएको बताईएको छ ।  शुक्रवार जंगलबाट घाँस काटि फर्कने क्रममा नागश्वर भज्याङमा रहेको बिद्युत पोल ढलि भुईमा लत्रेको तारमा छुन पुग्दा करेन्ट लागेर ज्यान गएको हो । बिद्युत प्राविकरणलाई बिद्युत सट भएको जानकारी गराउदा पनि वेवास्ता गरेको कारण यस्तो घटना भएको भन्दै स्थानिय बासिन्दा आक्रोसित बनेका छन । घटनाको बिद्युत प्राधिकरणले उचित क्षतिपुर्ति दिनुपर्ने र उक्त ठाउँमा चाँडो भन्दा चाँडो बिद्युत पोल मर्मत गर्नुपर्ने समेत माग राखेका छन । यदि उचित क्षतिपुर्ति र मर्मत कार्य अगाडि नबढाए आन्दोलन गर्ने चेतावनी समेत दिएका छन । अघिल्लो बर्ष पनि सोहि ठाउँमा नै करेन्ट लागेर एक महिलाको ज्यान गएको थियो ।