मंसिर १४ –इङ्लिस प्रिमियर लिगअन्तर्गत गएराति भएको खेलमा म्यान्चेष्टर युनाईटेड, आर्सनल र लिभरपुलले जित दर्ता गरेका छन् । पहिलो स्थानको चेल्सीलाई भने सण्डरल्याण्डले गोलरहित बराबरीमा रोकेको छ । ३३ अंक सहित शिर्ष स्थानमा रहेको चेल्सीले लिगमा आफ्नो अपराजित यात्रालाई भने कायमै राखेको छ ।यता म्यान्चेष्टर युनाईटेडले वायन रुनि, रोबिन भानपर्सी र स्मालिङको एक–एक गोलको मद्धतमा हल सिटीलाई ३–० ले पराजित ग¥यो । २२ अंक जोडेको म्यान्यु लिगको चौंथो स्थानमा उक्लिएको छ । यस्तै लिभरपुल जोन्सनले खेलको ८५ औं मिनेटमा गरेको निर्णयक गोलको मद्धतमा स्टोकसिटीलाई १–० ले हराउन सफल भयो । यस्तै आर्सनलले वेष्ट ब्रोमलाई १–० ले पराजित ग¥यो । गएराति भएका अन्य खेलहरुमा क्रिष्टल प्यालेसले लिकेष्टर सिटीलाई ३–२ र वेष्टह्यामले न्युक्यासल युनाईटेडलाई १–० गोल अन्तरले पराजित गरेको छ । यसैगरी बर्नली र एष्टन भिल्ला तथा स्वेन्सा सिटी र क्रिष्टल प्यालेस १–१ गोलको बराबरीमा रोकिए । 
Post a Comment