असोज ३१ –चंगाले विमानलाई असर गरेको भन्दै नागरिक उड्डयन प्राधिकरणले विमानस्थल आसपासमा चंगा उडाउन निषेध गरेको छ । चंगाले विमान उडान र अवतरणमा बाधा पु¥याएकोले विमानस्थल आसपासमा चंगा उडाउन निषेध गरिएको प्राधिकरणले जनाएको छ । नेपाल नागरिक उड्डयन प्राधिकरणले सार्बजनिक सूचना नै जारी गरी चंगा नउडाउन सबैमा आग्रह गरेको छ । ‘वायुयानको उडानमा अवरोध पुग्ने गरी चंगा नउडान तथा उडाउन नदिन सबैलाई जानकारी गराइन्छ,’ उड्डयन प्राधिकरणले निकालेको सार्बजनिक सूचनामा उल्लेख छ । यो सूचनालाई बेवास्ता गरेमा प्रचलित कानून बमोजिम कारवाही गर्ने प्राधिकरणले चेतावनी पनि दिएको छ ।
Post a Comment