आईसीसी वल्र्ड क्रिकेट बर्षाका कारण खेल स्थगित

कर्तिक १० –आईसीसी वल्र्ड क्रिकेट लिग डिभिजन ३ का लागि मेलेशियामा जारी अमेरिका विरुद्ध नेपालको खेल वर्षाका कारण स्थगित गरिएको छ । टस जितेर पहिले व्याटिङ गरेको अमेरिकाले पहिलोपटक ४३ दशमलब ३ ओभरमा सबै विकेट गुमाएर २ सय ४ रन जोडेपछि नेपालले २ सय ५ रनको विजयी लक्ष्य पाएको थियो । तर नेपालले व्याटिङ गर्ने बेला पानी परेपछि खेललाई ३० ओभरमा छोट्याउदै नेपाललाई १ सय ६२ रनको नयाँ लक्ष्य दिईएको थियो । नेपालले व्याटिङ शुरुगरेलगत्तै फेरी पानी पर्न थालेपछि खेल भोली खेलाईने गरि स्थगित गरिएको हो । यसअघि पहिलो खेलमा युगाण्डासंग पराजित भएको नेपालले बर्मुडा र सिंगापुरलाई भने पराजित गरेको थियो । ६ टोली सहभागी प्रतियोगितामा डिभिजन ‘थ्री’बाट शीर्ष दुई टोली डिभिजन ‘टु’मा पुग्दा पुछारका दुई टिम डिभिजन ‘फोर’मा झर्नेछन् ।बाँकी दुई टिम डिभिजन थ्रि मै कायम रहनेछन ।