अमेरिकामा ईबोला भाईरस बिरुद्ध नयाँ खोपको परिक्षण गरिदै

अमेरिकामा इबोला भाइरसविरुद्धको खोपले बादरमा सकारात्मक प्रभाव देखिएको छ ।  खोप लगाएपछि बादरलाई लामो समयसम्म इबोला भाइरसविरुद्ध  लड्ने क्षमता देखिएको अमेरिकी वैज्ञानिकहरुले बताएका छन् । अब सो खोप यसै हप्ता नै मानिसमा पनि परीक्षण शुरु गरिने जनाइएको छ । वैज्ञानिकहरुले आगामी दिनमा यो खोप मानिसमा पनि सफल परीक्षण  हुने सम्भावना बढेको बताएका छन् । सुरुमा अमेरिकामा यस खोपको मानिसमा परीक्षण गरेपछि बेलायत र अफ्रिकामा पनि परीक्षण गरिने छ ।
अमेरिकाको नेसनल इन्टिट्युच अफ हेल्थमा गरिएको परीक्षणमा इबोला भाइरसविरुद्ध बादरमा लगाइएको खोपबाट ५ हप्तासम्म बादर इबोलाबाट सुरक्षित रहेको थियो । यस खोपमा इबोला डीएन र एक भाइरसलाई मिश्ररण  गरिएको थियो ।
वैज्ञानिकहरुले खोपको मात्रा बढाएमा इबोलाबाट १० महिनासम्म सुरक्षा  दिनसक्ने बताएका छन् । पश्चिम अफ्रिकामा महामारीको रुपमा फैलिएको इबोलाका कारण हाल सम्म २१ सयको मृत्युु भैसकेको छ ।