चितवनमा बस दुर्घटनामा १४ घाइते

भाद्र २८ –चितवनको रामनगरस्थित भतेरी जङ्गलमा आज बिहान भएको बस दुर्घटनामा १४ यात्रु घाइते भएका छन् । घाइतेमध्ये एक जनाको अवस्था गम्भीर रहेको छ । पोखराबाट सर्लाहीका लागि छुटेकोे ना ४ ख ६२२३ नम्बरको बस बिहान करिव २ बजे दुर्घटनामा परेको जिल्ला प्रहरी कार्यालय चितवनले जानकारी दिएको छ । मुग्लिङ नारायणगढ सडकखण्डअन्तर्गत चितवनको भरतपुर–१ भतेरी जङ्गलमा बस अनियन्त्रित भई पल्टिएको प्रहरीले जनाएको छ । घाइते यात्रुको अहिले चितवनको भरतपुर अस्पतालमा उपचार भइरहेको छ । साभार रेडियो मैत्रि