दोस्रो गोरखकाली रनिङ कपमा आज क्वार्टर फाइनलको पहिलो खेल सहित तिन खेल सम्पन्न

गोरखा माघ १९ दोस्रो गोरखकाली रनिङ कपमा आज क्वार्टर फाइनलको पहिलो खेल सहित तिन खेल सम्पन्न, आज तिनकिलो, दरवार र पाटेचौर विजयी
हरमटारी रंगाशालामा जारी दोस्रो गोरखकाली रनिङ कपमा आज क्वार्टर फाइनलको पहिलो खेल सहित तिन खेल सम्पन्न भएको छ । आज भएको सनराइज युथ क्लव तिनकिलो र मनकामना युथ क्लव मनकामना विचको पहिलो खेलमा २–१ गोल अन्तरले तिनकिलो विजयी भएको छ ।
सनराइज क्लवको तर्फबाट खेलको १३ औं मिनेटमा जमिन थापा मगरले गोल गरेर अग्रता दिलाएपछि फेरी २३ औं मिनेटमा शेखर खड्काले अर्को गोल थपेर टिमको अग्रतालाई कायमै राखेका थिए । मनकामनाका तर्फबाट खेलको ३२ औं मिनेटमा सुनिल श्रेष्ठले सान्त्वना १ गोल गरेका थिए । खेलमा मनकामनाका अमृत गुरुङ म्यान अफ दि म्याच घोषित भएका छन .
त्यस्तै आज भएको अर्को एभरेष्ट युथ क्लव चितवन र गोरखकाली युथ क्लव दरबार विच भएको खेलमा ट्राइबरेकर्डमा ४–२ गोल अन्तरले दरवार विजयी भएको छ । खेल सुरु भएको १५ औं मिनेटमा दरवारका राज गुरुङले १ गोल गरेर आफ्नो टिमलाई गरेर अग्रता दिलाए पनि ३३ औ. मिनेटमा चितवनका मिलन गुरुङले गोल फर्काएर खेललाई बरावरीमा पु¥याएका थिए । त्यसपछिको निर्धारित समयमा दुवै टिमबाट कुनै गोल नभएपछि खेल ट्राइबरेकर्ड तर्फ धकेलीएको थियो । खेलमा दरवारका राज गुरुङ म्यान अफ दि म्याच घोषित भएका छन ।
त्यस्तै आजनै दि गुर्खाज युनाइटेड क्लव पाटेचौर र वालुवा युथ क्लव वालुवा विच भएको क्वार्टरफाइनलको पहिलो खेलमा पाटेचौर ३–० गोल अन्तरले विजयी भएको छ । खेलको २३ औं मिनेटमा वुद्व लामाले गोल गरेर टिमलाई अग्रता दिलाए थिए भने सोही क्रमलाई निरन्तरता दिंदै ३५ औं मिनेटमा अर्को गोल थपेर गोल संख्या २ पु¥याएका थिए । खेलको ४८ औं मिनेटमा पाटेचौरकै राजकाजी थापाले अर्को गोल थपेर टिमलाई अझ वलियो बनाएका थिए । खेलमा पाटेचौरका बुद्व लामा म्यान अफ दि म्याच भएका छन । जितसंगै दि गुर्खाज युनाइटेड क्लव पाटेचौरले सेमी फाइनलको यात्रा पक्का गरेको छ ।