धादिङ मध्यराती घरमा आगो लाग्दा चार जनाको ज्यान गयो

धादिङ  मध्यराती घरमा आगो लाग्दा चार जनाको ज्यान गयो

धादिङ, माघ १९– धादिङको धुषा गाविसको चरौंदीमा बिजुली सर्ट भई आगलागी हुँदा चार जनाको ज्यान गएको छ । राती एक बजेतिर भएको आगलागीबाट घरधनी किशोरचन्द्र थपलिया, उहाँका छोरी, ज्वाईं र नातीनीको जलेर ज्यान गएको स्थानीयबासिन्दा मिलन सिलवालले जानकारी दिनुभयो । शुक्रबार किशोरका भाइ पवन थपलियाको विवाह भएकाले विवाहको निम्तो मान्न आएकी किशोरकी छोरी योजना, श्रीमान र छोरीको समेत जलेर ज्यान गएको हो । इलाका प्रहरी कार्यालय गजुरीका प्रहरी निरीक्षक हेमन्त भण्डारी क्षेत्रीले आगलागीबाट चार जनाको ज्यान गएको र थप बिबरण आउन भने बाँकी रहेको बताउनुभयो । घर जलेर पुरै नष्ट भएको र केही सरसामान समेत बाहिर निकाल्न नसकिएको पनि प्रहरीले जनाएको छ ।
रातीको समयमा आगलागी भएकाले उद्धारमा निकै कठिनाई भएको र घर भित्र सुतिरहेका व्यक्तिलाई बाहिर निकाल्न नभ्याएको स्थानीयबासिन्दाले बताएका छन ।