बर्दियाको मंगरागढीमा रात्रिबस दुर्घटना हुँदा २ जनाको मृत्यु

मंसिर १७ –बर्दियाको मंगरागढीमा रात्रिबस दुर्घटना हुँदा २ जनाको मृत्यु भएको छ । २५ जना घाइते छन् । ती मध्ये १५ जनाको अवस्था गम्भीर रहेको जिल्ला प्रहरी कार्यालय बर्दियाले जनाएको छ । काठमाडौंबाट महेन्द्रनगरका लागि छुटेको ना ५ ख १३ ०७ नम्बरको रात्रिबस आज बिहान ४ बजेर २० मिनेट जाँदा रम्बापुरको आर्मी चेकपोष्टनजिक अनियन्त्रित भएर पल्टेको थियो । मृतकको सनाखत हुन सकेको छैन । घाइतेलाई उपचारका लागि कोहलपुर मेडिकल कलेज नेपालगन्ज बाँके पु¥याइएको छ । दुई चालकमध्ये एकजना प्रहरीको नियन्त्रणमा छन् भने अर्का फरार भएका छन् । करिब ३६ जना यात्रु बसमा सवार थिए ।