चितवनको ज्यामिरेमा भएको सवारी दुर्घटनामा एक जनाको मृत्यु

मंसिर १६ –हेटौँडा नारायणघाट सडकखण्ड अन्र्तगत चितवनको ज्यामिरेमा भएको सवारी दुर्घटनामा एक जनाको मृत्यु भएको छ । काठमाडौँबाट उदयपुरको लागि छुटेको ना ४ ख ३८९१ नम्वरको रात्रिबसले गएराति १२ बजे ठक्कर दिदा मकवानपुर मनहरि–७ बस्ने २९ वर्षीय सन्देश घिमिरेको मृत्यु भएको जिल्ला प्रहरी कार्यालय चितवनले जनाएको छ । गंभिर घाइते घिमिरेलाई भरतपुर अस्पताल लैजादै गर्दा बाटोमा नै मृत्यु भएको हो । ठक्कर दिने बस र चालकलाई प्रहरीले नियन्त्रणमा लिएको जनाएको छ ।