कर्तव्य ज्यान मुद्धाका ६ जना फरार अभियुक्त पक्राउ

कार्तिक २१ –मोरङ प्रहरीले कर्तव्य ज्यान मुद्धाका ६ जना फरार अभियुक्तलाई गएराती पक्राउ गरेको छ । पक्राउ पर्नेमा महेन्द्र शर्मा र उनका छोराहरु देवानन्दन, चन्दन, दीपक, प्रकाश र पंकज रहेका छन् । उनीहरुले बुधनगर–४ की ३२ वर्षीया मीरादेवी शर्माको गत कार्तिक १० गते हत्या गरेको प्रहरीले जनाएको छ । हत्या गरिएकी मिरादेवी चन्दनकी श्रीमती हुन् । भारतीय प्रहरीसंगको समन्वयमा बुधनगरस्थित सीमाक्षेत्रबाट उनीहरुलाई पक्राउ गरेको प्रहरीले जनाएको छ ।