अर्सनल र रियल मड्रिड गएराति भएको च्याम्पियन्स लिग फुटबलमा विजयी भएका छन् । आर्सनलले गालाटासारे माथि ४–१ को सानदार जित दर्ता गरेको हो । आर्सनलको जितमा ड्यानी वेल्बेकले खेलको २२, ३० र ५२ औं मिनेटमा गोल गर्दै ह्याट्रिक पुरा गर्नुभयो । आर्सनलका लागि अर्को एक गोल ४१ औं मिनेटमा एलेक्स सान्चेजले गर्नुभएको थियो । गएराती नै भएको खेलमा रियल मड्रिडले बुल्गेरियन क्लब लुडोगोरेस्टलाई २–१ गोलले पराजित गरेको छ । जितपछि समुह बी मा रहेको रियल ६ अंक सहित शिर्ष स्थानमा छ भने लिभरपुल र बासेलको समान तीन अंक छ । गएराति नै भएका अन्य खेलमा एथ्लेटिको मड्रिडले युभेन्टसलाई १–० ले पराजित गर्दा लिभरपुल भने एफसी बासेलसंग १–० ले नै पराजित भएको छ । यस्तै अर्को खेलमा बोरुसिया डट मुण्डले एन्डरलेक्टलाई ३–० ले पराजित गरेको छ ।
Post a Comment