गोरखा लार्के पास जादै गर्दा भिरबाट चिप्लेर लड्दा एक फ्रेन्च नागरिक बुढिगण्डकी नदिमा बेपत्ता

गोरखा, असोज २८ –आरुघाटबाट लार्के पास जादै गर्दा उहीँया गाविस वडा नं. ३ खोलास्थित गनाउने भिरबाट चिप्लेर लड्दा एक फ्रेन्च नागरिक बुढिगण्डकी नदिमा बेपत्ता भएका छन् । आज विहान करिब साढे ९ बजेतिर भिरबाट चिप्लेर इम्ली, एलाइन कसट्यान्टलीन नाम गरेको ६७ बर्षिय फ्रेन्च पुरुष बेपत्ता भएको प्रहरी नायव निरिक्षक तथा प्रवक्ता दिपक श्रेष्ठले जानकारी दिनुभयो । उक्त नागरिक लार्के पास जाने क्रममा भिरबाट चिप्लेर लड्दा बुढिगण्डकीमा बेपत्ता भएको यति एड्भान्चर प्राईभेट लिमिटेड का सुदिप भन्ने व्यक्तिले प्रहरीलाई जानकारी दिएको श्रेष्ठले बताउनुभयो । प्रहरी निरिक्षक दिपक श्रेष्ठका अनुसार माछीखोला इलाका प्रहरी चौकीका प्रमुख रामबहादुर गुरुङको नेतृत्वमा उद्धार टोली घटना स्थलमा पुगेको छ । बुढिगण्डकी नदि चितवन, धादिङको बेनीघाटसंग मिसिएको हुनाले बेपत्ता भएका नागरिकलाई खोजी गर्न धादिङ प्रहरी र नवलपरासी प्रहरीलाई पनि सम्पर्क गरेको श्रेष्ठले जानकारी दिनुभयो ।