शिक्षक नहुँदा पठनपाठनमा समस्या

असोज २४ –सिन्धुपाल्चोकको शिखरपुर गाविस–६ मा रहेको शीतलादेवी माध्यमिक विद्यालयमा अहिले शिक्षक नहुँदा पठनपाठनमा समस्या भएको छ । शिक्षा सेवा आयोगबाट स्थायीमा नाम निकालेका शिक्षकहरु अन्यत्र विद्यालयको दरबन्दीमा नियुक्ति भएका कारण पठनपाठन नै अवरुद्ध हुन पुगेको सो विद्यालयका प्रधानाध्यापक बालकृष्ण दाहालले बताउनुभयो । उहाँका अनुसार जिल्ला शिक्षा कार्यालयले खालि ठाउँमा अन्य  शिक्षकलाई नियुक्ति नदिँदा कठिनाइ परेको हो । जिल्ला शिक्षा कार्यालयले शिक्षक नियुक्तिका लागि विज्ञापन गर्न अनुमती नदिएको र शिक्षक पनि नपठाएका कारणले पठनपाठन रोकिन पुगेको उहाँको भनाइ छ ।