सप्तरीमा जङ्गली हात्तीको आतङ्क

असोज २४ –जङ्गली हात्तीको बथानलेसप्तरीको फत्तेपुर–४ मा प्रवेश गरी एक लाख मूल्य बराबरको क्षति पु¥याएको छ । चारवटा हात्ती सो गाउँमा प्रवेश गरेर स्थानीय मदन विकको टिनको छानोको घर भत्काउनुका साथै मोहम्मद मञ्जुलको घरको टाँटी भत्काई अन्नपातसमेत खाएको पूर्वाञ्चल क्षेत्रीय प्रहरी कार्यालय विराटनगरले जनाएको छ । हात्तीले चारजना किसानको एक बिघा जग्गामा लगाइएको धानबालीसमेत नष्ट गरेको छ । स्थानीयवासी र प्रहरीको टोलीले हात्तीलाई कोसी टप्पु वन्यजन्तु आरक्षतर्फ लखेटेका छन् ।