लायन्स तथा लियो क्लब अफ गोरखाद्वारा सिन्धुपाल्चोकको जुरेमा गएको पहिरोबाट पिडितको लागि आर्थिक राहत सङ्कलन

गोरखा श्रावण २५ – लायन्स क्लब तथा लियो क्लब अफ गोरखाले साउन १८ गते सिन्धुपाल्चोक जिल्लाको माङ्खा गाविसको जुरेमा गएको पहिरोमा परेका पिडीतहरुको लागि राहत रकम सङ्कलन गरेका छन् । लायन्स क्लब अफ गोरखाका अध्यक्ष भगतबाबु जोशीको नेतृत्वमा आज गोरखा नगरपालिकाका विभिन्न ठाउँबाट गरी रु १ लाख २ हजार ३४४ संकलन गरको छ ।
लायन्स क्लबको भवन रहेको ठाउँबाट शक्तिचोकबाट सुरु भई राहत सङ्कलनको अभियान बसपार्क, नयाँबजार, छिपिटोल, धारापानी, ठूलो आँगन, हस्पिटल मार्ग, हरमटारी, चाइनिज धारा हुँदै पुनः क्लबको भवनमा आएर समापन भएको थियो । क्लवले राहत सङ्कलन अभियान भोलि पनि जारी राख्ने र सङ्कलित रकम लिएर साउन २७ गते सिन्धुपाल्चोकको माङ्खा गाविसमा पुगेर पिडीतहरुलाई वितरण गरिने बताएको छ ।