गोरखा श्रावण २८ –महालक्ष्मी उच्च मावि गोरखाको विज्ञान प्रयोगशालाको उद्घाटन सम्पन्न, प्रयोगशाला जिल्लाकै नमुना भएको दावी महालक्ष्मी उच्च मावि लक्ष्मीबजार, गोरखाको जीव विज्ञान प्रयोगशाला आज एक कार्यक्रमका बीच उद्घाटन गरीएको छ । विद्यालय सल्लाहकार समितिका संयोजक बुद्धि बहादुृर कुँबरको अध्यक्षता र जिल्ला शिक्षा अधिकारी लिलामणी पोखरेलको प्रमुख आतिथ्यतामा भएको कार्याक्रममा विद्यालयका प्राचार्य लालप्रसाद श्रेष्ठ, आयुर्वेदिक चिकित्सक राजेश्वर अर्याल र शिक्षक शिव केसी लगायतले मन्तव्य राख्नुभएको थियो ।उच्च मावि शिक्षा परिषदको अनुदान रकम १४ लाख २५ हजार ८ सयको कुल लागतमा तयार भएको उक्त जिव विज्ञान प्रयोगशाला जिल्लाकै नमुना रहेको विद्यालयका प्राचार्य श्रेष्ठले दावी गर्नुभएको छ । कार्यक्रममा नगरपालिकाका विद्यालयका प्रधानाध्यापक, प्राचार्य, विद्यालयका भूपू अध्यक्षहरु, सदस्य र अभिभावकहरुको सहभागिता रहेको थियो । विज्ञान प्रयोगशालाको स्थापनाले प्रयोगात्मक कक्षालाई सहयोग पु¥याउने र विद्यार्थीलाई गुणस्तरीय शिक्षा दिन सकिने विश्वास विज्ञान शिक्षक सुनिल पौडेल व्यक्त गर्नुभएको छ ।
Post a Comment