जिल्ला प्रहरी कार्यालय गोरखाले तिजको अवसरमा दिदीवहिनीहरुलाई बहुमुल्य धातुका गरगहना लगाएर नहिड्न आग्रह, आफै सुरक्षा अपनाई सर्तक रहन अनुरोध ।

गोरखा भाद्र ११ – जिल्ला प्रहरी कार्यालय गोरखाले हिन्दु धर्मालम्वीहरुको महान् चाड हरीतालिका तिजको अवसरमा सवैलाई  सुभकामना व्यक्त गर्दै तिजको बेला महिला दिदीवहिनीहरुलाई बहुमुल्य धातुका गरगहना लगाएर नहिड्न आग्रह गरेको छ । हरीतालिका तिजको अवसरमा विभिन्न सांस्कृतिक तथा दर खाने कार्यक्रममा सहभागिता हुदा आफै सुरक्षा अपनाई सतर्क रहन कार्यालयले अपिल गरेको छ । विभिन्न भिडभाडको मौका छोपी लुटपाट जस्ता घटना घटाउन सक्ने हुदाँ त्यस्ता अराजक तत्वहरुबाट सजग रहन पनि जिल्ला प्रहरी कार्यालय गोरखाले अनुरोध गरेको छ ।