गोरखाका बेपत्ता नागरिकहरुको एकिन तथ्याङ्क भएन ।

गोरखा, मंसिर १८ –बेपत्ता प्रगतिशिल बुवा समुहको आयोजना कोपिला नेपाल र अन्तराष्ट्रिय रेडक्रश समिति आईसीआरसीको सहयोगमा आज निर्माण व्यवसायीको हलमा सहभोज कार्यक्रम सम्पन्न भएको छ । बेपत्ता नागरिक कुमार ढकालको बुबा भुवन ढकालको अध्यक्षता र जिल्ला न्यायधिस प्रकाश कुमार काफ्लेको प्रमुख आतिथ्यता रहेको थियो ।
कार्यक्रममा बेपत्ता नागरिक गिता थापा मगरको बुबा पहलमान थापा मगरले स्वागत मन्तव्य राख्नुभएको थियो । कोपिला नेपालको कार्यक्रम संयोजक तिर्थ बहादुर थापाले कार्यक्रमको उद्देश्य माथि प्रकाश पार्नु भएको थियो । कार्यक्रममा पत्रकार महासंघ जिल्ला शाखा गोरखाको अध्यक्ष भिमलाल श्रेष्ठ, बेपत्ता नागरिकहरुको परिवारजनको प्रतिनिधि प्रेम न्यौपाने, स्थानिय शान्ति समितिको कार्यालय सचिव रुल बहादुर आले, आईसीआरसीको पश्चिमाञ्चल क्षेत्रिय संयोजक बिनोद कोइराला, एकिकृत नेकपा माओवादीको जिल्ला सदस्य हितमान सुर्खेति लगायतले मन्तव्य राखेका थिए ।