बस दुर्घटना हुँदा ६ जनाको घटनास्थलमै मृत्यु

धनगढी, असोज २० – यात्रुबाहक बस दुर्घटना हुँदा ६ जनाको घटनास्थलमै मृत्यु भएको छ । डोटीबाट धनगढीको लागि छुटेको ना३ख ५७०७ नम्बरको बस छतिवन भन्ने स्थानमा दुर्घटना हुँदा ६ जनाको मृत्यु भएको हो । मृतकहरुको सनाखत हुन नसकेको जानकारी दिँदै प्रहरीले घाइतेहरुको उद्दार कार्य जारी रहेको जनाएको छ । बसमा ४० बढी सवार रहेको र अधिकांश घाइते अवस्थामा रहेको घटनास्थलबाट स्थानीय रमेश साउदले जानकारी दिए । उनका अनुसार अहिलेसम्म ३२ जनाको उद्दार गरी उपचारको लागि धनगढी लगिएको छ । सडकबाट तीनसय मिटर तल खसेको बस दुर्घटनाको कारण खुल्न सकेको छैन ।