प्राधिकरणको प्रमुख सात दिनभित्र नियुक्त गर्न पुनः निर्देशन

असोज २६ –व्यवस्थापिका–संसद्अन्तर्गतको कृषि तथा जलस्रोत समितिले नेपाल विद्युत् प्राधिकरणको कार्यकारी प्रमुख नियुक्तिका सम्बन्धमा भएको पछिल्लो प्रगतिका बारेमा सात दिनभित्र जानकारी गराउन ऊर्जा मन्त्रालयलाई निर्देशन दिएको छ । समितिको आज बसेको बैठकले यसअघि दिइएको निर्देशन किन, कार्यान्वयन नभएको हो भन्ने जानकारीसहित पछिल्लो अवस्थाका बारेमा जानकारी गराउन निर्देशन दिएको समितिका सभापति गगन थापाले बताउनुभयो ।
समितिले यसअघि प्राधिकरणको कार्यकारी प्रमुख नियुक्ति, चालु आर्थिक वर्षमा प्राधिकरणले कार्यान्वयन गर्ने योजनाको कार्यतालिकासहित प्रस्तुत हुन निर्देशन दिएको थियो । यसैबिच समितिको बैठकमा सांसदहरुले उठाउनुभएको जिज्ञासाको जवाफ दिँदै ऊर्जा मन्त्री ज्ञवालीले उज्यालो नेपाल, समृद्ध नेपालको अभियानमा निरन्तर क्रियाशील रहेको बताउनुभयो ।