जनजाति महासंघद्वारा गोरखा र तनहुँको सिमानामा स्वागत बोर्ड राखियो

गोरखा श्रावण २३ –२० औं अन्तर्राष्ट्रिय आदिवासी दिवसको अवसरमा आदिवासी जनजाति महासंघ गोरखाले आँवुखैरेनीको मस्र्याङ्दी पुल नजिक गोरखाको सिमा नाकामा स्वागत बोर्ड राखेको छ । महासंघले आज एक कार्यक्रमका बीच सो स्वागत बोर्ड राखेको हो । आन्तरिक तथा बाह्य पर्यटकको स्वागतको लागि स्वागत बोर्ड राखीएको महासंघका जिल्ला अध्यक्ष विष्णु रानामगरले बताउनु भयो । स्वागत बोर्ड राख्ने कार्यक्रममा आदिवासी जनजाति महासंघमा आवद्ध विभिन्न जातीय संघसंस्थाका प्रतिनिधिहरुको सहभागिता रहेको थियो ।