लायन्स क्लब र लियो क्लबको पदस्थापन कार्यक्रम सम्पन्न

लायन्स क्लब अफ गोरखा, लियो क्लब अफ गोरखा तथा लायन्स क्लब अफ गोरखा, आरुघाटको संयुक्त पदस्थापन कार्यक्रम हिजो गोरखा बजारमा सम्पन्न भएको छ ।
लायन्स क्लब अफ गोरखाका निवर्तमान अध्यक्ष रामशरण बस्नेतले नव निर्वाचित अध्यक्ष भगवतवावु जोशीलाई पदहस्तान्तरण गर्नुभएको थियो भने लियो क्लब अफ गोरखाका निवर्तमान अध्यक्ष रञ्जितकुमार श्रेष्ठले अध्यक्ष चाँदनी श्रेष्ठलाई पद हस्तान्तरण गर्नुभएको थियो । त्यसैगरी आज नै नव गठित लायन्स क्लब अफ गोरखा, आरुघाटका अध्यक्ष बसन्तमान श्रेष्ठले पदभार ग्रहण गर्नुभएको थियो ।
कार्यक्रममा प्रमुख अतिथि लायन्स डिष्ट्रिक थ्रि टु फाइभ बि वन का गभर्नर एमजेएफ लायन भुगोल शेरचन, नेपाली कांग्रेसका जिल्ला सचिव पूर्ण बहादुर दाहाल, नेकपा (एमाले)का जिल्ला सचिव कृष्ण नेपाली, एकीकृत माओवादीका जिल्ला अध्यक्ष लेख बहादुर थापा, नेकपा –माओवादीका जिल्ला सेक्रेटरी परशुराम रम्तेलले शुभकामना मन्तव्य राख्नुभएको थियो ।
त्यसैगरी प्रमुख जिल्ला अधिकारी वेदप्रसाद खरेल, पत्रकार महासंघका जिल्ला अध्यक्ष भिमलाल श्रेष्ठ, लायन्स क्लबका पूर्व जिल्ला अध्यक्ष श्रवण कुमार जोशी, डिष्ट्रिक एडभाइजर बद्री बहादुर मास्के लगायतले शुभकामना मन्तव्य राख्नुभएको थियो ।