रेडियो गोरखाको तीज गित प्रतियोगिता सम्पन्न । प्रतियोगीतामा गणेशपाटन महिला समुह प्रथम,

गोरखा भाद्र १३ – हिन्दु महिलाहरुको महान् पर्व हरितालिका तीजको अबसरमा सामुदायिक रेडियो रेडियो गोरखा ९२.८ मेगाहर्जले गरेको छैठौँ तीज गीत प्रतियोगिता गणेशपाटन महिला समुह प्रथम भएको छ । त्यस्तै गरी गान्धारी महिला समुह द्धितिय, नव दुर्गा महिला समुह तृतिय, शुभलक्ष्मि महिला समुह र सरस्वती महिला समुह सान्त्वना भएको छ । स्वस्थ्य बानी ब्यबहार  सुखी परिवार भन्ने नारा सहित रानीपोखरी परिसरमा भएको तीज गीत प्रतियोगिता मा गोरखाकाका बिभिन्न १६ वटा महिला समूहहरुको सहभागिता रहेको थियो ।  

प्रतियोगितामा प्रथम हुने समूहले नगद रु १५ हजार , दोस्रो हुने समूहले १० हजार , तेस्रोे हुने समूहले ५ हजार र सान्त्वना हुने दुई समूहले रु २५÷२५ सय नगद पुरस्कार प्राप्त गरेका छन् । कार्यक्रममा गोरखाका प्रमुख जिल्ला अधिकारी बेद प्रसाद खरेल ,प्रहरी प्रमुख रमेश  थापा शसस्त्र प्रहरी प्रमुख कुमार श्रेष्ठ, लगायतको उपस्थिति रहेको थियो । रेडियोका स्टेशन म्यानेजर किशोर जंग थापाले स्वागत मन्तव्य राख्नुभएको थियो ।
कार्यक्रममा राष्ट्रिय कलाकारहरु बेलीमाया गोरखाली , पूर्ण अर्याल , कृष्ण थापा , लगायत अन्य हास्य कलाकारहरुले दर्शकहरुलाई आफ्ना प्रस्तुतीहरुले मनोरञ्जन गराएका थिए ।