सलमान र साहरुखलाई छाडेर भारतीयले खोजे सन्नीको हट अवतार

नायिका सन्नी लियोनीको सबै भन्दा चर्को विरोध भारतमै हुन्छ । यतिसम्म कि सन्नीले अश्लिलता फैलाएको र युवा पुस्तालाई भड्काएको भन्दै उनलाई देश निकाला गर्नुपर्ने आवाज समेत भारतमै सुनिन्छ । तीनै भारतीय हुन्, जसले इन्टरनेटमा सबै भन्दा धेरै सन्नीकै खोजी गर्छन् । भिडियो र तस्विर हेरेर मनोरञ्जन लिन्छन् । विश्वको सबै भन्दा ठूलो सर्च इन्जिन गुगलले सन् २०१५ मा भारतमा सबै भन्दा धेरै खोजी सन्नीको भएको जनाएको छ । पोर्न स्टार हुँदै हिन्दी चलचित्रमा प्रवेश गरेकी सन्नी प्राय चर्चामा हुने गर्छिन् । त्यसो त सन् २०१४ मा पनि भारतमा धेरै खोजिएको पात्र सन्नी नै भएकी थिईन् । धेरै खोजिने मध्ये दोस्रो ब्यक्तिको रुपमा चयन भएका छन् सलमान खान । गुगलमा खोजिने पात्रहरुमा सलमान भन्दा साहरुख एक कदम पछाडि तस्रो स्थानमा छन् । हिट एण्ड रन केस लगायतका अन्य केही विवादका कारण सलमानलाई धेरै खोजिएको भारतीय सञ्चार माध्यमले जनाएको छ । सन्नी लियोनीपछि धेरै खोजिएकी अर्की नायिका हुन् कटि्रना कैफ । सन् २०१५ सुरु हुनै लाग्दा रणबीर कपुरसँग इन्गेजमेन्ट गरेको भनेर चर्चामा आएकी कटि्रना वर्ष भरि नै चर्चाको विषय बनिरहिन् । धेरै खोजिएका अन्य नायिकाको सूचीमा दीपिका पादुकोण तेस्रो, आलिया भट्ट चौथो र राधिका अप्टे पाँचौ स्थानमा छन् । त्यस्तै नायकको सूचीमा अक्षय कुमार तेस्रो, शाहिद कपुर चौथो र ऋतिक रोशन पाँचौ स्थानमा छन् । धेरै खोजिएका अन्य नायिकाहरुमा क्रमश अनुष्का शर्मा, ऐश्वर्या राय, करिना कपुर, प्रियंका चोपडा र पुनम पाण्डे छन् । धेरै खोजिने नायकको सूचीमा रणबीर कपुर, आमिर खान, बरुण धवन, अमिताभ बच्चन र अजय देवगण छन् । धेरै खोजिएका चलचित्रमा ‘बाहुबली, बजरंगी भाइजान, प्रेम रतन धन पायो’ लगायत छन् ।