रोबट–२ मा अक्षय कुमार खलनायक

अक्षय कुमारले आफ्नो करिअरको पहिलो तामिल फिल्ममा खलनायकको भुमिका निर्वाह गर्ने भएका छन् । अक्षयले बुधबार रजनीकान्तको सुपरहिट फिल्म रोबटको सिक्वेल रोबट–२ मा खलनायक बनेर खेल्ने घोषणा गरेका छन् ।  उक्त फिल्ममा रजनीकान्त नायक छन् । सुरुमा हलिउडका स्टार आर्नल्ड स्वाजनेगरले खलनायकको भूमिका गर्ने भनिए पनि उनी अन्तिम घडीमा पछाडी हटेसँगै अक्षय अनुबन्धित भएका हुन् । रोबट–२ मा एआर रहमानले संगित दिने तय भइसकेको छ ।