नेपाल आयल निगमले भोलीबाट साविक मात्रामा सबै पेट्रोल पम्पबाट ईन्धन वितरण गर्ने भएको छ । रक्सौला नाका खुलेपछि ईन्धन आयात सहज भएकाले निगमले सामान्य अवस्थाकै परिमाणमा इन्धन वितरण गर्न लागेको हो । यद्यपी शुरुको एक साता परिक्षणस्वरुप मोटरसाईकललाई ५ लिटर र चार पाङ्ग्रे सवारीलाई १५ लिटर वितरण गरिनेछ । आगामी एक हप्तामा वितरण पूर्ण सहज हुने निगमको दाबी छ ।
यस्तै, ग्यासको आपूर्ती पनि बढेकाले वितरण सहज हुदै जाने घिमिरेले बताउनुभयो । घिमिरेका अनुसार पूरा सिलिण्डर ग्यास बाँड्ने बिषयमा भने आगामी आईतबार वाणिज्य तथा आपूर्ती मन्त्रालयसंग छलफल गरि निर्णय गरिनेछ ।
भारतीय नाकाबन्दीका कारण आपूर्ती कम भएयता निगमले आधा सिलिण्डर ग्यास वितरण गर्दै आएको छ । भारतीय आयल कर्पोरेशनले ग्यासको आपूर्ती पनि बढाउदै लैजाने बताएकाले १ महिनाभित्र ग्यास वितरण पूर्ण रुपमा सहज हुने घिमिरेले बताउनुभयो ।
Post a Comment