फाइल तस्वीर
२५ साउन, काठमाडौं । बङ्गलादेशमा हुने सोह्र वर्षमुनि (यु-१६) उमेर समूहकोे तेस्रो साफ च्याम्पियनसिप फुटबल प्रतियोगिताको आफ्नो पहिलो खेलमा नेपालले सोमबार माल्दिम्सको सामना गर्दै प्रतियोगिताको उद्घाटन गर्ने भएको छ ।
बङ्गादेशको सिल्हेटमा आइतबारदेखि सुरु भएको उक्त प्रतियोगितामा नेपालले सोमबार विजय लक्ष्यका साथ माल्दिभ्सको समाना गर्दै मैदानमा उत्रनेछ ।
विभिन्न छ राष्ट्रले भाग लिएको उक्त प्रतियोगितामा सहभागी राष्ट्रलाई दुई समूहमा विभाजन गरिएको छ, जसमा नेपाल समूह ‘बी’मा परेको छ । समूह ‘बी’मा नेपालसहित अफगानिस्तान र माल्दिभ्स छन् । त्यस्तै, समूह ‘ए’ मा भारत, श्रीलङ्का र बङ्गलादेश छन् । प्रतियोगितामा पाकिस्तान र भुटानले भने सहभागिता जनाएका छैनन् । प्रत्येक समूहको शीर्ष दुई/दुई स्थान हासिल गर्ने टोली सेमिफाइनलमा पुग्नेछन् ।
सन् २०११ मा घरेलु मैदानमै भएको पहिलो साफ च्याम्पियनसिपमा नेपालले तेस्रो स्थान हासिल गरेको थियो भने सन् २०१३ मा भएको दोस्रो साफ च्यापियनसिपमा नेपाल भारतसँग पराजित हुँदै दोस्रो स्थानमा रहेको थियो ।
फाइल तस्वीर
Post a Comment